Exsurgam hodie
Per virtutem Dei,
Per fortitudinem Christi nativitatis eius et baptismi eius,
Per crucem eius et sepulturam eius,
Per resurrectionem eius et ascensionem eius,
Per descensum eius ad iudicium extremum.

Exsurgam hodie
Per virtutem amoris Seraphim,
In obsequio Angelorum,
In ministerio Archangelorum,
In spe resurrectionis in remunerationem,
In precibus Patriarcharum,
In dictis Prophetarum,
In praedicatione Apostolorum,
In fide Confessorum,
In innocentia Sanctarum Virginum,
In actibus iustorum virorum.

Exsurgam hodie
Per virtutem caeli,
Lumen solis,
Claritatem lunae,
Splendorem ignis,
Velocitatem fulguris,
Celeritatem venti,
Profunditatem maris,
Firmitatem terrae,
Duritiam petrarum.

Exsurgam hodie
Per virtutem Dei dirigentis me,
Potentiam Dei sustinentis me,
Sapientiam Dei docientis me,
Oculum Dei prospicientis me,
Auriculam Dei audientis me,
Verbum Dei loquentis mecum,
Manum Dei protegentis me,
Iter Dei praeparantis me,
Scutum Dei tegentis me,
Exercitum Dei salvantis me
A laqueis daemonum,
A tentationibus vitiorum,
Ab omni homine, qui meditantur me malum, longe et prope.

Christus in me,
Christus ante me,
Christus me retrorsum,
Christus me super,
Christus me infra,
Christus me ad dexteram,
Christus me ad sinistram,
Christus in dormiendo,
Christus in sedendo,
Christus in surgendo,
Christus in corde cuiuslibet hominis qui me cogitat,
Christus in ore cuiuslibet loquentis me,
Christus in oculis omnium videntium me,
Christus in auribus omnium audientium me.

Exsurgam hodie
Per virtutem Dei dirigentis me. Amen.