ratum haberemus. Nos vero, cupientes, ut marialis cultus illa in terra etiam maioribus augeretur incrementis et in vitam privatam et publicam salubriter influeret, precibus huiusmodi libenter obsecundare statuimus. Itaque, e consulto Sacrae Congregationis pro Sacramentis et Cultu Divino deque Apostolica Nostra potestate, Beatam Mariam Virginem sub titulo « Nossa Senhora do Rosario do Rocio » apud Deum Patronam regionis Paranensis confirmamus, cunctis adiectis iuribus et privilegiis liturgicis ad normas videlicet Instructionis eiusdem Sacrae Congregationis « de Calendariis particularibus atque Officiorum et Missarum Propriis, n. 30 ». Contrariis quibusvis non obstantibus. Volumus ceterum ut hae Litterae Nostrae religiose serventur suosque effectus tam in praesenti quam in posterum habeant.

Datum Romae, apud Sanctum Petrum, sub anulo Piscatoris, die XX mensis Iulii, anno MCMLXXVII, Pontificatus Nostri quinto decimo.

IOANNES Card. VILLOT, Secretarius Status

Loco & Sigilli

In Secret. Status tab. n. 332468.

S. Olivarius Plunkett Patronus secundarius Pontificiae Universitatis Urbanianae, in Urbe, confirmatur.

PAULUS PP. VI

Ad perpetuam rei memoriam. - Quantopere Ecclesiae sanctae prosit cultus Sanctorum sincerus, omnis videt, si modo consideraverit, non solum Christifideles, in tantis periculis constitutos, posse firmum in iis habere praesidium, sed etiam posse Sanctorum vitam, Christi gratia et sapientia refertam, tamquam exemplar omnibus proponi virtutis, in quod inspiciant. Ceterum, quanto Ecclesia e tantorum Virorum vita afficiatur, ac quasi aspergatur, honore, cunctis facile patet. Quoniam ideo S. Olivarius Plunkett Martyr, Patronus secundarius electus fuit Pontificiae Universitatis Urbanianae, in Urbe, atque Venerabilis Frater Noster Agnellus S. R. E. Cardinalis Rossi, Sacrae Congregationis pro Gentium Evangelizatione Praefectus, idemque eiusdem Universitatis Magnus Cancellarius, electione rite probata, a Nobis petierit, ut, ad normam Instructionis de Calendariis particularibus atque

Toggle SidebarMagisterium AIMagisterium AI

Magisterium AI

Login for more usage & features

Acta Apostolicae Sedis: Issue 10-11, 1977

Magisterium AI
Magisterium AI